नवलपरासी ।पश्चिम नवलपरासीकाे भटौलिया मझौनी सडक खण्डबाट पेस्तोल सहित २ जनालाई प्रहरीले पक्राउ गरेको छ ।
बर्दघाट नगरपालिका १२ जहदाको भटौलिया मझौनी सडक खण्डबाट अवैध पेस्तोल सहित २ जनालाई पक्राउ गरेकाे जिल्ला प्रहरी कार्यालय नवलपरासीका सुचनाअधिकारी(डिएसपी ) रेशम बोहराले बताउनु भयाे ।”बर्दघाट नगरपालिका १३ बस्ने अजय अहिर र बर्दघाट- १३ लेबडा बस्ने कमल चौधरी पक्राउ परेका छन।
जहदामा पेस्तोल लिएर खुल्याम दुई जना हिडिरहेको गोप्य सूचनाको आधारमा अस्थायी प्रहरी पोष्ट भटौलियाबाट खटेको प्रहरी टोलीले उनीहरुलाई चेक जाँच गर्दा अजय अहिरले जिन्स पाइन्ट खाल्तीमा लुकाएको अवस्थामा पेस्तोल बरामद गरेको उनले बताए।”
पक्राउ परेका दुवै जनालाई ईलाका प्रहरी कार्यालय बर्दघाटमा राखिएको र उनीहरु माथि हातहतियार तथा खरखजना मुद्दामा आज नवलपरासी जिल्ला अदालतमा म्याद थप गरी अनुसन्धान कार्य भइरहेको डिएसपी बोहराले जनाकारी दिए।
