कावासोती । कावासोती-११ मा मरेको स्यालको सिनो खाएर ५ गिद्ध मृत्त अवस्थामा फेला परेका छन ।
४ वटा डङ्गर प्रजाती र १ वटा हिमाली प्रजातीको गिद्ध मृत्यु भएको छ भने १ वटा सुन प्रजातिका गिद्ध र ६ वटा डंङ्गर प्रजातीका गिद्ध बिरामी अवस्थामा भेटाएका छ्न ।मरेका र विरामी परेका गिद्धको स्थानबाट २ वटा मरेको स्यालको सिनो समेत फेला परेको छ ।
विषादी भएकाे खाना खाएर मरेको स्यालको सिनो खाएर गिद्ध मरेको प्रारम्भिक अनुसन्धानबाट देखिएको जटायु रेष्टुरेन्टका अध्यक्ष डिबि चौधरीले जानकारी दिनु भयाे ।
लोकाहा खोला किनारमा गिद्ध मरेकाे देखेर जटायु रेष्टुरेन्टमा स्थानियले खबर गरेका थिए ।मरेका गिद्धहरूको(भाेली)मंगलबार पोस्टमार्टम गर्ने र बिरामी रहेका गिद्धलाई घटनास्थलमा प्राथमिक उपचार पछि जटायु रेष्टुरेन्ट उपचार गरिने अध्यक्ष चौधरीले बताउनु भयाे।
