यो वर्ष ७३ जिल्लाका दुई हजार तीन सय ६५ जनामा डेङ्गी सङ्क्रमण र एकजनाको मृत्यु भएको छ ।मन्त्रालयले सरकारी अस्पताललाई डेङ्गी सङ्क्रमितको उपचार व्यवस्थापन मिलाउन आग्रह गर्दै अस्पताल परिसरमा ‘डेङ्गी डेस्क’ स्थापना गरी सम्पर्क व्यक्ति तोक्न निर्देशन दिएको छ ।
डेङ्गीका बिरामीकाे उपचार खर्च सरकारले व्यहाेर्ने स्वास्थ्य मन्त्रालयका प्रवक्ता बुढाथोकीले जानकारी दिनु भयाे ।
हरेक शुक्रबार सरकारी तथा गैरसरकारी कार्यालय र अस्पताल परिसरमा सरसफाइ गर्नुका साथै ‘लामखुट्टे खोज र नष्ट गर’ अभियान सञ्चालन गर्न मन्त्रालयले आग्रह गरेकाे छ ।
डेङ्गी रोगको सङ्क्रमण बढेपछि गत वर्ष पनि स्वास्थ्य मन्त्रालयले अभियान सञ्चालन गर्न निर्देशन दिएको थियो । आ–आफ्ना कार्यालयमा डेङ्गी सङ्क्रमणबारे सतर्कता र सचेतना कार्यक्रम सञ्चालन गर्न पनि निर्देशन दिएको छ ।
