नवलपरासी-पश्चिम नवलपरासीको पाल्हीनन्दन गाउँपालिका-४ स्थित पाल्हीनन्दन पन्ध्र शय्याको आधारभूत अस्पतालमा औषधीअभावका कारण विरामीहरुले ठूलो सास्ती भोग्नु परेको छ ।
नेपाल सरकारले निःशुल्क उपलब्ध गराउने औषधी पाल्हीनन्दन अस्पतालमा उपलब्ध नरहेको कारण स्वास्थ्यकर्मीले निजि औषधी पसलहरुमा खरीद गर्न पठाउनु हुन्छ स्थानीयहरुले बताउँछन।
करिब रु साँढे छ करोडको लागतमा निर्माण गरिएकाे अस्पतालमा आैैषधी अभावका कारण ग्रामीण क्षेत्रका विरामीहरू सदरमुकाम तथा जिल्ला बाहिर बुटवल,भैरहवा लगायत स्थानमा जानुपर्ने हुन्छ ।
स्वास्थ्य शाखा प्रमुख हरिशंकर गुप्ताको गैरजिम्मेवारका कारण औषधी अभाव भएको पाल्हीनन्दन अधारभुत अस्पतालका प्रमुख बृजेश यादवले बताउनु भयो ।
उनका अनुसार ९८ प्रकारका औषधी निशुल्क दिने सरकारले व्यवस्था गरेपनि गाउँपालिका भित्रका पाँच वटै स्वास्थ्य संस्था सहित १५ सैय्याको अस्पतालमा असार महिना यनीकी(सात) महिना देखि सिटामोल जस्तो सामान्य औषधि उपलब्ध छैन।अस्पतालमा आउने विरामी सेवाग्राहीहरुको लागि आफुले स्वास्थ्य शाखाबाट औषधी माग गर्दा औषधी नरहेको स्वास्थ्य शाखाले जनाएको थियो ।
पाँच वटा स्वास्थ्य चौकी र पाल्हीनन्दन अस्पतालको लागि एक लाख बराबरको औषधी खरीद गरेर पुष ९ गते सम्बन्धित स्वास्थ्य चौकी तथा अस्पतालका प्रमुखहरुको जिम्मा लगाईएको स्वास्थ्य शाखा प्रमुख हरिशंकर गुप्ताले बताउनु भयो।उनका अनुसार थप औषधि खरिदका लागि टेन्डर प्रक्रिया अघि बढाइएको छ ।
