घाइतेहरू मध्ये मनोहर ठाकुर,सृष्टि ठाकुर,कामनी झा र देवतारण देवी छन्। घाइतेहरूलाई स्थानीय अस्पतालमा भर्ना गरिएको छ।उनीहरू महोत्तरी जिल्लाका हुन्।
बिहारको मुजफ्फरपुरमा दुर्घटना हुँदा पाँच नेपाली दर्शनार्थीको मृत्यु भएको हाे।दुर्घटनामा दुई जना पुरुष र तीन जना महिलाको मृत्यु भएको भारतीय न्युज एजेन्सी पीटीआईले जनाएको छ।तीव्र गतिमा रहेको स्करपियो अनियन्त्रित भएर दुर्घटना भएको स्थानीयलाई उद्धृत गर्दै विहार मुजफ्फरपुर जिल्लाका प्रहरी उपअधीक्षक विनीता सिन्हाले पीटीआईसँग बताएकी छन्।
मोटरसाइकललाई बचाउदा स्करपियो अनियन्त्रित भइ दुर्घटना हुँदा पाँच जनाको घटनास्थलमै मृत्यु भएकाे मध्ये तीन जना महिला छन्।चार जना गम्भीर घाइते भएका छन्।उनीहरूलाई पटनाको अस्पतालमा रेफर गरिएको छ’उनले भनेकी छन्।
गाडीमा ९जना सवार थिए। तीमध्ये ४ जना गम्भीर घाइते भएका छन्।मृतकमध्ये तीन महिला र दुई पुरुष छन् । मृत्यु हुनेमा अर्चना ठाकुर,इन्दु देवी,मन्तर्णी देवी र बालकृष्ण झाको पहिचान खुलेको छ।
महोत्तरीका प्रहरी प्रवक्ता डीएसपी सन्तुलाल प्रसाद जयसवालले घटना बारे भारतीय प्रहरी सँग बुझ्ने प्रयास भइरहेको जनाएको छ।दुर्घटना मुजफ्फरपुर सदरथाना क्षेत्रको मादापुर फोरलाइन सडक खण्डमा रहेको मधुबनी मन्दिर नजिक भएको बताइएको छ।
