नेकपा माओवादी केन्द्रका अध्यक्ष पुष्पकमल दाहाल प्रचण्ड पश्चिम नवलपरासी आउनुहुने भएको छ । पार्टीले सञ्चालन गरेको हुलाकी राजमार्ग केन्द्रित तराई मधेश जागरण अभियान अन्तरगत बैशाख ३ गते परासीमा आउने कार्यक्रम तय भएको पार्टीका जिल्ला इन्चार्ज भविश्वर तिवारी आजादले जानकारी दिनुभयो ।
माओवादी केन्द्रले सञ्चालन केही समय स्थगन गरेर काठमाण्डौ केन्द्रित भएर गणतन्त्रको पक्षमा विशाल खबरदारी सभा गरेको थियो । अहिले पुन अभियानलाई निरन्तरता दिएर अभियानलाई तिव्रताका साथ अगाडि बढाइरहेको छ ।
जिल्लामा दुई स्थानमा आयोजना गरिएका सभामा कार्यक्रमा सम्बाेधन गर्न प्रचण्ड आउने प्रचार प्रसार प्रमुख एवम् माओबादी लुम्बिनी प्रदेश सदस्य तथा युवा नेता अडिक वि.क.ले जानकारी दिए ।प्रचण्डले विहान ११ बजे प्रतापपुर गाउँपालिका ९ बेलाटारीमा र पाल्हीनन्दनमा आयोजना गरिएको जनसभालाई सम्बोधन गर्नु हुनेछ ।
जनसभा सकिएपछि परासीमा समाज सेवी, मानवअधिकारकर्मी, राजनीतिक दलका प्रतिनिधि, प्रशासनिक प्रमुख, सङ्घ संस्थाका प्रतिनिधि, उद्योगी व्यवसायी र प्रबुद्ध ब्यक्तिहरू सँग अन्तरक्रिया गर्ने कार्यक्रम रहेको छ ।
अभियानलाई सभ्य र भव्य बनाउनका लागि जिल्ला पार्टीले तयारीलाई तीब्र बनाएको छ।बुधबार माओवादी केन्द्रका नवलपरासी जिल्ला इन्चार्ज भविश्वर तिवारी ( आजाद ) को अध्यक्षता, प्रदेश इन्चार्ज चक्रपाणी खनाल ( बलदेव ) को प्रमुख आतिथ्यता, प्रदेश अध्यक्ष
सुदर्शन बरालको विशेष आतिथ्यता, केन्द्रिय सदस्य घनश्याम यादव, केन्द्रिय सदस्य दुलारी हरिजन लगायतको आतिथ्यता बैठक बसेको थियो । बैठकले कार्यक्रममा बढि भन्दा बढि जनसहभागिता गराउने र सफल बनाउने निर्णय गरेको थियो
