परासी १२ जेठ ।पश्चिम नवलपरासीको पाल्हीनन्दन गाउँपालिकाले पचास प्रतिशत अनुदानमा पाल्हीनन्दनका किसाहरुलाई धानको विउ वितरण गरेको छ ।
प्रति किलो ४५ रुपैयाको दरले पाल्हीनन्दन गाउँपालिकाले किसानहरुलाई धानको विउ वितरण गरिरहेको पाल्हीनन्दन–६ निवासी बन्धु यादवले जानकारी दिए।
जेठ २ गते देखि पाल्हीनन्दन गाउँपालिकाले हर्दीनाथ,बहुगुडी,साभा एक नामक धानको विउ तीन सय ८० जनालाई वितरण गरिसकेको पाल्हीनन्दन गाउँपालिकाका कृषि शाखाका अधिकृत पशुपतिनाथ चौधरीले बताए ।उनका अनुसार नेपाल सरकारको सुचिकृतमा रहेका हर्दीनाथ मध्यम –खेतमा र बहुगुडी,साभा धान खाला खेतमा उत्पादन हुने धान हो, र सो धानको चामलको भात मिठो र स्वादिष्ट लाग्छ । गाउँपालिका भित्र रहेका किसानहरुलाई आवश्यक्ता अनुसार धानको विउ वितरण गरिनेछ ।
भारतबाट धानको विउ ल्याउदा महँगो पर्ने र विउ राम्रो नहुने उत्पादन कम हुने र प्रहरीले रोकने गुनासो आएपछि गाउँपालिकाले किसानहरुको समस्यालाई मध्य नजर गर्दै धानको विउ छर्नु अगावै धानको विउ वितरण सुरु गरेको कृषि अधिकृत चौधरीको भनाई छ ।
धानमा कुनै समस्या आयो वा उत्पादन भएन भने बुद्ध सिड कम्पनी संग कानुन बमोजिक किसानलाई क्षतिपुर्ति उपलब्ध गराईने छ । पाँच लाख किसान र पाँच लाख गाउँपालिका गरी दश लाख रुपैया बराबरको धानको विउ तिरण गरिरहेका छौं ।
धानको विउ लिन आउने पाल्हीनन्दन गाउँपालिका भित्र बसोबास गर्ने किसानहरुलाई पचास प्रतिशत अनुदानमा नागरिकता र लालपुर्जाको फोटोकपी लिएर आउने किसानलाई धानको विउ वितरण गरिरहेको पाल्हीनन्दन गाउँपालिकाका अध्यक्ष बैजु प्रसाद गुप्ता –लिपक) ले बताउनु भयो ।उनका अनुसार गत वर्ष पनि पाल्हीनन्दन गाउँपालिकाले किसानहरुलाई धानको विउ वितरण गरेको थियो ।
