परासी।रुपन्देही मर्चवारी गाउँपालिका-३ का वडाध्यक्ष जनार्दन यादवलाई तीन लाख घुस रकम सहित अख्तियार दुरुपयोग अनुसन्धान आयोगले नियन्त्रणमा लिएको छ।
अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले सिद्धार्थनगर नगरपालिका–९ स्थित वडाध्यक्ष यादव सहित श्री गणेश ट्रेडिङका सञ्चालक विपिन कुमार पाण्डेयलाई पक्राउ गरेको आयोगका प्रवक्ता राजेन्द्र कुमार पौडेलले जानकारी दिनु भयाे।
वडामा सञ्चालित विभिन्न योजनाको निर्माण कार्य समपन्न पश्चात भुक्तानीकाे लागि सिफारिस गर्ने प्रयाेजनार्थका लागि सेवा ग्राही संग वडाध्यक्ष यादवले विपिन कुमार पाण्डेय मार्फत तीन लाख रूपैया कमिसन लिइसकेको अवस्थामा नियन्त्रणमा लिएको पौडेलले बताए।दुवै जनालाई नियन्त्रणमा लिइ थप अनुसन्धान भइरहेको प्रवक्ता पौडेलले बताए।
