परासी ।बर्दघाट सुस्ता पश्चिम नवलपरासीको सुनवल नगरपालिका–२ मा रु डेढ करोड लागतमा निर्माण गरिएको पशु अस्पतालमा पर्याप्त कर्मचारी नहुँदा पशु उपचारमा समस्या ।
सञ्चालनमा आएपछि पशुको उपचारमा सहज हुने आशा जागेको थियो र बिरामी हुँदा अब समयमै उपचार पाउनेमा आफुहरु विश्वस्त थिए,तर पशु चौपाया बिरामी हुँदा पशु सेवाका चिकित्सकलाई घरमा उपचारको लागि बोलाउँदा पशु पालकको घरमा नआउने र उपचार नगरेको सुरेश यादवले बताए ।
सुनवलकाे रजहवामा पशु सेवा केन्द्र सञ्चालनमा आएपछि दैनिक दश देखि १५ वटा गाई, भैँसी,बाख्रा लगायत जनावरलाई निःशुल्क औषधोपचार गर्ने गरेको पशु अस्पतालमा कार्यरत कर्मचारी धनराज मगरले बताए ।
पशु सेवा सञ्चालनमा आएपछि गोबर र दुध परीक्षण गर्नुको साथै यस क्षेत्रका गाई,भैँसी, बाख्रा लगायत पशु चौपायालाई निःशुल्क औपाधोपचार गरिरहेको मगरले भने ।
सङ्घीय सरकार र वडा कार्यालयको संयुक्त लगानीमा निर्माणा गरिएको पशु सेवा केन्द्र सञ्चालनमा आएपछि स्थानीय पशुपालक किसान निकै लाभान्वित भएको सुुनवल–२ का वडाध्यक्ष राजेन्द्र यादवको भनाइ छ ।यहाँ पशु सेवा केन्द्रमा पर्याप्त चिकित्सक नहुँदा यहाँका घर पालुवा जनावर बिरामी हुँदा उपचारमा समस्या भइरहेको वडाध्यक्ष यादवले भने । पशु सेवामा थप कर्मचारी (चिकित्सक)को आवश्यकता रहेको कार्यपालिकाको बैठक समेतमा आवाज उठाएकाे सुनवल नगरपालिका गैर जिमेवार बनेको उनले भने ।
पशु सेवाको बारेमा आफुलाई केही पनि थाहा भएन र त्यहाँको वडाध्यक्ष संग बुझेर त्यहाँको समस्या समाधान गर्ने सुनवल नगरप्रमुख बिमला आर्यालले बताइन ।
