परासी ।पश्चिम नवलपरासीमा आठ वर्ष देखि निर्माणाधीन अवस्थामा रहेका खाने पानी सञ्चालनमा आएपछि स्थानीय खुसी भएका छन ।
संघीय सरकारको चार आयोजना तथा प्रदेश सरकारको पाँच आयोजना आर्थिक वर्ष २०८१/८२ देखि सञ्चालनमा ल्याएपछि स्थानीय खुसी छन नवलपरासी खाने पानी तथा सरसफाइ कार्यालयका प्रमुख प्रकाश न्यौपानेले बताए।
उनका अनुसार मुढाहा खानेपानी आयोजना,भगवती मन्दिर खानेपानी आयोजना,बन्देवी खानेपानी आयोजना, कुनुवार खानेपानी योजना र कञ्चनपुर खानेपानी आयोजना लुम्बिनी प्रदेश सरकारले निर्माण गरेको हो।
यस्तै, बर्दघाट-१ पञ्चनगर खानेपानी आयोजना, दाउन्ने देवी खानेपानी आयोजना, सुक्रौली खानेपानी आयोजना तथा छिबनी खानेपानी आयोजना संघीय सरकारको लगानीमा बनेको हो।
प्रत्येक नागरिकले स्वच्छ खानेपानी पिउन पाउनु पर्ने उद्देश्यका साथ संघीय सरकार र प्रदेश सरकारले खाने पानी सञ्चालन गर्नका लागि ११ करोड २४ लाख ७७ हजार रूपैयाँ विनियोजन गरेकामा १० करोड ३७ लाख ९५ हजार रूपैयाँको लागतमा निर्माण गरिएका हुन्।
छिलबनी खानेपानी सञ्चालनमा आएपछि दुई सय ३५ धारा जडान गरिएका छिबनी खानेपानी उपभोक्ता समितिका अध्यक्ष रामप्रसाद न्यौपानेले बताए। यस्तै, कुनुवार खाने पानी सञ्चालनमा आएपछि ७० धारा जडान गरिएका छन्।
धारा जोड्ने काम भइरहेको कुनुवार खानेपानी उपभोक्ता समितिका अध्यक्ष वीरेन्द्र यादवले बताए।लामाे समय देखि चापाकलकाे पानी खान बाध्य भएका यहाँका स्थानीयकाे घरमा खानेपानीकाे धारा निर्माण भएपछि अहिले घरकाे आग्नमै स्वच्छ सफा खानेपानी खानपाएपछि स्थानीय खुुसी छन यादवले भने ।
