परासी।समुदायिक विद्यालयमा निशुल्क शिक्षाको व्यवस्था रहेकोले मेयर छात्रवृति दिएन।बर्दघाट सुस्ता पश्चिम नवलपरासीको रामग्राम नगरपालिकाका नगर प्रमुख धनपत यादवले भन्छन समुदायिक विद्यालयमा सरकारले निशुल्क शिक्षाको व्यवस्था गरेपछि मेयर छात्रवृति किन चाहियो ।
रामग्राम नगरपालिकाले बनजरिया फियुचर ब्राइट इङग्लिस स्कुल,भगवती इङग्लिस स्कुल,फियुचरलाईट एकेडमी,ज्ञयान ज्योती इङग्लिस माध्यमिक स्कुल,हिलोरीयस चिल्ड्रेन एकेडमी,जगतकुमारी एकेडमी सहुवाटिकर, किशितिज विद्यालय प्रा.लि.,लिटिल ऐन्जल उच्च स्कुल,लिटिल पलान्ट इङग्लिस स्कुल,माया देवी इङग्लिस स्कुल,नेपाल होली चिल्ड इङग्लिस माध्यमिक स्कुल,न्यु फलोवर गार्डेन माध्यमिक स्कुल,परासी ग्लोरीयस माध्यमिक स्कुल,रामग्राम सगरमाथा एकेडमी,रामग्राम विद्यालय,सय पत्री इङग्लिस माध्यमिक परासी,द परदेश राष्टिय इङग्लिस बोर्डिङ स्कुल,टुइङकल स्टार स्कुल कुनवार,उजैनी रामग्राम इङग्लिस स्कुल,सनफलावर इङग्लिस स्कुल,सरस्वती युनिभर्सल स्कुल,ईलाइट इङग्लिस स्कुलमा अध्यन गर्ने कक्षा ४,५,६,७,८,९ र ११ मा अध्यन गर्ने गरीब,दलित विपन्न,समुदायका दुई सय ४२ विद्यार्थीलाई मेयर छात्रवृति दिएको रामग्राम नगरपालिकाका शिक्षा शाखाका भुवन भण्डारीले जानकारी दिए ।
कुल विद्यार्थी संख्याको कम्तीमा दश प्रतिशत गरिब,अपाङग,महिला ,दलित,र जनजाति,विद्यार्थीलाई संस्थागत विद्यालयले छात्रवृति दिने कानुुनी ब्यवस्थालाई कार्यनयनमा ल्याउनको लागि रामग्राम नगरपालिकाले निजी विद्यालयलाई मेयर छावृति दिएको भण्डारीको भनाई छ।
रामग्राम नगरपालिकाले समुदायिक विद्यालयलाई मेयर छात्रवृति नदिएर निजी विद्यालयलाई शिक्षामा प्रोत्साहन गरिरहेको रामग्राम नगरपालिका–३ का वडाध्यक्ष उज्जवल न्यौपानेले बताए।निजी विद्यालयलाई शिक्षामा प्रोत्साहन गर्ने र समुदायिक विद्यालयलाई हतोत्साहित गर्ने नगरपालिकाले निती बनाएछ वडाध्यक्ष न्यौपानेको भनाई छ।
रामग्राम नगरपालिकाले निजी विद्यालयलाई छात्रवृति दिएर समुदायिक विद्यालयलाई हतोत्साहित गरिरहेको आदर्श नमुना माध्यमिक विद्यालय व्यवस्थापक समितीका अध्यक्ष लक्ष्मण यादवले बताए।
