नवलपरासी ३ भदाैं ।जनता समाजवादी पार्टी नेपाल (जसपा) नेपालका अध्यक्ष उपेन्द्र यादवले संसदमा प्रस्तुत भूमि विधेयकमा सहमत नभएपछि नेपाली कांग्रेस र नेकपा एमाले सरकारले प्रतिसाेध लिएकाे जसपा नेपाल नवलपरासीले पत्रकार सम्मेलन मार्फत घोर आपत्ति प्रकट गरेको छ।
सो विधेयक पारित भएमा जसपा नेपाल सडक र सदन दुवै मोर्चाबाट सशक्त विरोधमा उत्रने अध्यक्ष यादवले चेतावनी दिएपछि एमाले–कांग्रेस नेतृत्वको सरकारले फसाउन खाेजिरहेकाे जसपा नेपाल नवलपरासीकाअध्यक्ष धरेन्द्र यादवले भने।
२०६२र६३ मा रौतहट,गौरमा भएको मधेश अन्दाेलन घटना पुनः छान बिन गर्न सर्वाेच्च अदालतले गरेको परमादेश लाई लक्षित गर्दै जसपा नेपाल नवलपरासीका अध्यक्ष धरेन्द्र यादवले सर्वोच्चले दिएको आदेशलाई अस्वीकार्य बताउँदै आन्दोलनको चेतावनी दिए।
अध्यक्ष यादवका अनुसार तत्कालीन समयमा मानव अधिकार आयोग तथा संयुक्त राष्ट्रसंघले फोरमको संलग्नता नरहेको भन्दै अदालतको निर्णय निष्पक्ष नरहेकाे आरोप लगाए।सरकार र अदालतले आदेश फिर्ता नगरे लगातार आन्दोलन गर्ने र त्यसकाे जिमेवार सरकार हुने चेतावनी दिए।
यसै गरी जसपाका केन्द्रीय सदस्य तथा पूर्व रक्षा राज्यमन्त्री रामबचन यादवले राजतन्त्र अन्त्यपछि गणतन्त्र र लोकतन्त्र आए पनि एमाले–कांग्रेस नेतृत्वको सरकारमा राष्ट्र समृद्ध भएन।
सर्वोच्चको आदेश विरुद्ध जसपाले भोलि दिउँसो नवलपरासी सदरमुकाम परासीमा विरोध प्रदर्शन कार्यक्रममा पार्टीका पदाधिकारी,कार्यकर्तालाई उपस्थि हुने अध्यक्ष यादवले भने।
