बर्दघाट। क्रान्तिकारी कम्युनिष्ट पार्टी नेपाल जिल्ला समिति नवलपरासीले जिल्ला सदरमुकाम परासी सहित छ स्थानमा बिरोध प्रर्दशन सहित कोणसभा गरेको छ।
मंगलवार पार्टीले चारवटा पालिकाको छ वटा बजारमा बिरोध प्रर्दशन सहित कोणसभा गरेको जनाएको छ । क्रान्तिकारी कम्युनिष्ट पार्टी नेपाल , नेकपा(क्रान्तिकारी माओवादी), नेकपा(बहुमत)को महत्वपुर्ण हिस्सा र नेकपा(मशाल) बीच एकता महाधिबेशन सम्पन्न गरेर बनेको पार्टी हो ।
साम्राज्यवाद, प्रतिगमन तथा यथास्थितिको विरोध गरौं ! स्वाधीन संयुक्त सरकार गठन गरौं ! भन्ने नाराका साथ बर्दघाट, सुनवल र रामग्राम नगरपालिका एंव सरावल गाउँपालिकाको मुख्य बजारहरुमा पार्टीले बिरोध प्रर्दशन गरेको पार्टीका केन्द्रीय सदस्य तथा जिल्ला ईन्चार्ज क्षेत्र बहादुर थापाले जानकारी दिए ।
बर्दघाटको भुताहा बजारको चोक र भटौलिया बजार ,सुनवलको भुमही बजार र सोमनाथ हाटबजार, परासी बुद्ध चोक र सरावल गाउँपालिकामा पार्टीले भण्डाफोर सहित बिरोध कार्यक्रम गरेको उनको भनाई छ । जिल्लाकाे बुद्धचोकमा आयोजित कोणसभामा बोल्दै पार्टीका केन्द्रीय सदस्य एवं जिल्ला इन्चार्ज क्षेत्र बहादुर थापाले जेनजीको माग भ्रष्टाचार विरुद्ध, सामाजिक सन्जाल बन्दको विपक्षमा रहेको र त्यो मागको पक्षमा आफुहरुले विगत देखि आन्दोलन गर्दै आएको बताउदै अबको राजनीतिक निकास स्वाधीन संयुक्त सरकार मात्र रहेको औल्याए ।
उक्त कार्यक्रमको संचालन क्रान्तिकारी संयुक्त मोर्चाका जिल्ला संयोजक चुडामणी भण्डारीले गरेका थिए । अटो रिक्सा र मोटरसाइकलहरु प्रयोग गरेर पार्टीका नेता कार्यकर्ताहरु बिरोध कार्यक्रममा सरिक भएका थिए । त्यस्तै, सुनवलको सोमनाथ हाटबजारमा आयोजित कोणसभालाई सम्बोधन गर्दै क्रान्तिकारी कम्युनिष्ट पार्टी नेपालका बैकल्पिक केन्द्रीय सदस्य एंव जिल्ला सेक्रेटरी रवि पाण्डेयले जेनजी बिद्रोहलाई दिशाविहीन बनाएर बैदेशिक शक्तिहरुले राष्ट्रिय स्वाधीनतालाई प्रहार गरेको बताउनुभयो ।
उहाँले संसदीय ब्यवस्था मुठ्ठीभर दलालहरुको ब्यवस्था रहेको उल्लेख गर्दै भष्ट्रचारको जननी नै संसदीय ब्यवस्था रहेको चर्चा गर्नुभयो । उक्त कार्यक्रमको संचालन पार्टीका जिल्ला सदस्य तथा सुनवल नगर संयोजक प्रेमलाल रिमालले गर्नुभएको थियो । यसैगरी भुताहा बजारको चोकमा आयोजित कोणसभामा बोल्दै क्रान्तिकारी संयुक्त मोर्चाका जिल्ला संयोजक चुडामणी भण्डारीले वर्तमान सत्ता र ब्यवस्था भष्ट्र दलालहरुको भएकोले यसबाट देशले निकास नपाउने उल्लेख गर्दै स्वाधीन संयुक्त सरकारको आवश्यकता माथि जोड दिनुभयो ।
उक्त बिरोध कार्यक्रमको संचालन पार्टीका जिल्ला सदस्य तथा बर्दघाट नगर संयोजक ज्ञान बहादुर केसीले गर्नुभएको थियो । त्यस्तै भुमही बजारको कोणसभालाई पार्टी केन्द्रीय सदस्य तथा जिल्ला ईन्चार्ज क्षेत्रबहादुर थापाले सम्बोधन र चुडामणी भण्डारीको संचालन, सरावल गाउँमा आयोजित कार्यक्रममा चुडामणी भण्डारीले सम्बोधन तथा पार्टीका जिल्ला सदस्य तथा सरावल गाउँपािलका संयोजक मेखनारायण चौधरीको संचालन र भटौलिया बजारमा पार्टीमा जिल्ला सेक्रेटरी रवि पाण्डेयको सम्बोधन र क्रान्तिकारी संयुक्त मोर्चा नेपालका संयोजक चुडामणी भण्डारीको संचालन रहेको जिल्ला कार्यालय सदस्य दुर्गा नारायण चौधरीले जानकारी गराए।
भ्रष्टाचार विरुद्धको अभियान संचालन गरिरहेको उक्त पार्टीका नेता कार्यकर्ताले कालो ब्यानर प्रर्दशन सहित नाराबाजी र हात हातमा प्ले कार्ड र झण्डा लिएका थिए।कार्यक्रम वरपर ठुलो संख्यामा प्रहरी समेत परिचालन गरिएको थियो ।
उनीहरुले दलालहरु होसियार, भष्ट्रचारी मुर्दावाद, राष्ट्रिय स्वाधीनताको रक्षा गरौ, कठपुतली सरकार खारेज गर, स्वाधीन संयुक्त सरकार गठन गर जस्ता चर्का नाराबाजी समेत गरेको सुनवलको प्रत्यक्षदर्शी माया थापाले बताए।कार्यक्रममा स्वाधीन संयुक्त सरकारको लागि देशभक्त, जनवादी , क्रान्तिकारी र वामपंथीहरु एकजुट होऔं भन्ने अपिल वितरण गरिएको थियो ।
पार्टीले कार्तिक २८ गते देखि मंसिर ५ गते सम्म भण्डाफोरका कार्यक्रम र मंसिर ७ गते बुटवलमा आयोजित जनसभालाई बृहत बनाउने योजना सहित कार्यक्रम निर्माण भएको क्रान्तिकारी कम्युनिष्ट पार्टी नेपाल नवलपरासीले बताएको छ । सुस्ता, प्रतापपुर र पाल्हीनन्दन गाउँपालिकामा पनि भण्डाफोर सहितको कार्यक्रम हुने जनाइएको छ
