नवलपरासी।(बर्दघाट सुस्ता पश्चिम) नवलपरासीको रामग्राम नगरपालिका–१८ स्थित प्राचिन कोलिय गणराज्यको राजधानी पण्डितपुरमा त्रिभुवन विश्व विद्यालय र लुम्विनी बाैद्ध विश्व विद्यालयमा पुरातत्व अध्यन गर्ने प्रधानाध्यापक सहित विद्यार्थी आएका छन।
त्रिभुवन विश्व विद्यालय र लुम्विनी बाैद्ध विश्व विद्यालयमा पुरातत्व अध्यन गर्ने विद्यार्थीहरूलाई संस्कृति सम्पदा संरक्षण महाभियान नवलपरासीले सम्मान गरेको हो ।उत्खनन कार्यले प्राचीन संस्कृति र सम्पदाको संरक्षण कार्यमा योगदान पुर्याएको भन्दै अध्यन अवलाेकन गर्न आएका विद्यार्थी र प्राध्यापकलाई सम्मान गरिएको महाअभियानका संयोजक अनिल शर्माले जानकारी दिए।
नेपालको संस्कृति र सम्पदाको संरक्षण कार्यमा निरन्तर लागि रहेको र अहिले पहिचानमा आएको यो प्राचीन स्थलको खोजी कार्यमा महत्वपुर्ण योगदान रहेकाे पुरातत्वका जानकार नारद यादवलाई सम्मान गरेकाे उनले भने ।संस्कृति सम्पदा संरक्षणका लागि महाभियान चलाएको उनले दाबी गरे।महाअभियान सँग नागरिक समाज नवलपरासी तथा परासी प्रेस क्लब संग सहकार्य गरि काम गर्दै आएको शर्माकाे भनाइ छ।
त्रिभुवन विश्वविद्यालय नेपाली इतिहास सस्कृति तथा पुरातत्व विभागका प्रमुख डा.महेश अचार्यले महाअभियानको लक्ष्य समय सापेक्ष रहेको भन्दै प्रशंसा गरेका थिए।हाम्रो इतिहास,परम्परा,संस्कार,संकृति तथा पुरातत्विक स्थान र बस्तु हाम्रा गहना हुन्, संरक्षण हामीले नै गर्नु पर्छ । हतार हतारमा उत्खनन गर्ने क्रम्मा भेटाउने तथा भेटाएका संरचना नष्ट हुन्छ ।
नागरिक समाजका अध्यक्ष एवम्र पत्रकार बेचु गौडले कार्यक्रम माथि प्रकाश तथा स्वागत गरेका थिए,भने प्रेस क्लबका सल्लाहकार टिकाराम गैरेले धन्यबाद दिएका थिए ।स्थानिय समाज सेवी महिला नेतृ शोभा चौधरीकाे उपस्थिती थियाे। पनि आफ्ना धारणा राखेकी थिईन् । यस कार्यक्रम्मा सर्वसाधारण नगरिकहरू उपस्थित थिए ।कार्यक्रमको सञ्चालन परासी प्रेस क्लबका अध्यक्ष मोहन पौडेलले गरेका थिए।उत्खननमा प्राचीन शहर(सिटी)का भग्नावशेषहरु भेटिन थालेको छ ।
