परासी ७ भदाैं।रत्नम र सञ्जिवनी कम्पनीले नक्कली डिएपी मल विक्री गरेकाे छ।जिल्लाकाे रूपन्देही र नवलपरासीबाट रत्नम र सञ्जिवनी कम्पनीले जैविक मलकाे बाेरामा डिएपी र डबल एक्सन पावर लेखेर विक्री गर्दै आएकाे छ।
जैविक डिएपी बोरामा डबल एक्सन पावर को सर्टनेम(संक्षिप्त) नाम डिएपी भनेर बोरामा उल्लेख गरी रत्नम र सञ्जिवनी कम्पनीले किसानहरूलाइ भ्रमित पार्दै विक्री गर्दै आएकाे कृषि ज्ञान केन्द्र नवलपरासीका कार्यालय प्रमुख डा.रविन्द्रनाथ चाैबेले बताए ।
मल बिक्रेता,सप्लायर्स र कृषि मन्त्रालय तथा निर्देशनालय मार्फत सम्बन्धित उद्योगलाई पनि जानकारी गराएकाे उनले भने।असली डिएपीमा डाई एमोनियम फस्फेट)मा ४६ प्रतिसत फास्फोरस हुन्छ।
केही उद्योगहरूले जैविक मलकाे नाउँमा किसानलाइ ठग्ने कार्य गरिरहेकाे सुनवल-१२ का गडयौला मल तयार गर्ने हरि भण्डारीले गुनासाे गरे।
किसानहरूलाइ भ्रमित पार्दै विक्री गर्ने उद्योगलाइ आवश्यक कारवाहीको लागि लुम्बिनी प्रदेशका मुख्यमन्त्री चेतनारायण अचार्य,कृषि मन्त्री दिनेश पंथी,कृषि सचिव याम नारायण देवकोटालाई जानकारी गराइएको लुम्बिनी प्रदेशसभा सदस्य बैजनाथ कलवारले बताए ।
