परासी १८ असार ।बर्दघाट सुस्ता पश्चिम नवलपरासीमा चार वर्ष पहिला बरामद गरिएको चिनी महेशपुर भन्सार कार्यालयले नष्ट गरेको छ ।
चार वर्ष पहिला ४० लाख बराबरको बरामदको चिनी खान योग्य नरहेको भन्दै मंगलवार झरही नदी किनारमा खाल्टो खनेर नष्ट गरिएको महेशपुर भन्सार प्रमुख बिकास उपाध्यायले बताउनु भयो ।
आर्थिक वर्ष २०७८र ७९ मा भारतबाट भन्सार छलेर चोरी गरी नेपाल भित्रयाएको अवस्थामा नेपाल प्रहरी र शसस्त्र प्रहरीले बिशेष सुचनाका अधारमा जिल्लाका विभिन्न स्थानबाट ६२ हजार सात सय किलो चिनी बरामद गरिएको थियो ।
कार्यालय संग बजेट अभावले चार वर्ष पहिला चिनी नष्ट गर्न नसिकिएको उपाध्यायले भन्नु भयो ।
खाद्य प्राविधि तथा गुण नियन्त्रण कार्यालय भैरहवाले चिनी खान योग्य नरहेको भनेपछि भन्सारले लिलाम प्रकृयामा अगाडी नबढाएको भन्सार कार्यालयका नायब सुब्बा राजेन्द्र प्रसाद ढुङगानाले भन्नु भयो ।
ढुङगानाका अनुसार बरामद चिनीको प्रति किलो ६४ रुपैयाका दरले प्रहरीले मुल्याङ्कन गरेको प्रतिवेदनमा उल्लेख छ । यस्तै छिमेकी राष्ट्र भारतबाट अबैध रुपमा ल्याएको पाँच लाख ८८ हजार बराबरको ७० बोरा धानको बिउ नष्ट गरिएको ढुङगानाको भनाइ छ ।
