परासी १९ असार । पश्चिम नवलपरासी स्वास्थ्य कार्यालयले खाद्य पदार्थ उत्पादन गर्ने क्रममा बिषादी न्युनिकरण सम्बन्धि रामग्राम नगरपालिका भित्रका किसान तथा उपभोक्ता व्यवसायीहरुलाई सचेत गराएको छ ।
खाद्य पदार्थको पोषण प्रबद्र्धन तथा उत्पादन गर्ने क्रम्मा पहिचान गरेर बिषादी प्रयोग गर्ने सम्बन्धि रामग्राम नगरपालिका भित्रका कृषक तथा उपभोक्ता व्यवसयीलाई स्वास्थ्य कार्यालय नवलपरासीले जनचेतना जगाएको हो ।
स्वास्थ्य कार्यालयले आयोजना गरेको कार्यक्रममा कृषक कृषक समुह तथा उपभोक्ता व्यवसायीहरुलाई बिषादीले क्यान्सर, रगत,स्नायु प्रजन्न प्रणालीमा असर पुग्ने, हार्मोन असन्तुलन,न्युरोजिकल, गर्भावती महिलाको पेटमा भएका बच्चा लगायतमा समस्या देखा पर्दछ स्वास्थ्य कार्यालयका बरिष्ठ मलेरिया निरीक्षक देबीलाल पौडेलले बताउनु भयो ।
बिषादी भनेको बिस (जहर)र्हो यसले बिउ,बिरुवा,पशुपन्छी,मात्र नभई मानव स्वास्थ्य लगायतमा हानी पुर्याउँछ । प्रतिहेक्टर ३ सय ९६ ग्रामका दरले नेपालमा बिषादी प्रयोग भएको तथ्याङ्कले जनाएको नवलपरासी कृषि ज्ञान केन्द्रका सुचना अधिकारी एवम् बाली संरक्षण अधिकृत उमाशंकर पौडेलले बताउनु भयो ।
हावा,खाद्यान्न,गाई,भैंसीको दुध तथा खेतमा बिषादी छर्दा मानवको छालाबाट निसकने पसिनाको माध्यमबाट मानव शरीरमा प्रवेश गरेर असर पारेपछि नेपाल सरकारले १२ प्रकारका बिषादी बिक्री वितरण गर्न प्रतिबन्ध लगाएको छ ।
बिषादीले फाइदा जनक किरा समेत मार्ने भएकोले नयाँ र दोस्रो दर्जाको किराको प्रकोप बढाउँछ । बिज्ञहरुका अनुसार बिषादीबाट एक प्रतिशत मात्र किरा मर्छन ९९ प्रतिशत बिषादी वातावरणमा घुलमिल भएर पशुपन्छी,मानव शरीरलाई हानी पुर्याएको हुन्छ ।
बिषादीले ज्यान जान सक्छ बिषादी छर्दा पुरै शरीर ढाकने गरी कपडा,जुत्ता,चस्मा,पंजा र मास्क लगाएर मात्र बिषादी छर्नु पर्छ ।
रामग्राम नगरपालिका वडा नं १ का वडाध्यक्ष रुद्र प्रकाश उपाध्याय,कृषक बैज नाथ कोइरी लगायतले बोल्नु भएको थियो ।
