परासी १३ भदाै।पश्चिम नवलपरासी प्रहरीले गोरु बाेकेकाे ट्रक,चालक र गाेरू नियन्त्रणमा लिएको छ।नियन्त्रणमा लिइएकाे ट्रकमा १८ गाेरू थिए।जसमा एक मृत भेटिएको छ।
अमानवीय तरिकाले लैजाँदै गरेकाे अवस्थामा बिहीबार राति करिब २ बजे बर्दघाट नगरपालिका–४ टीसीएन चोकमा इलाका प्रहरी कार्यालय बर्दघाटबाट खटिएको टोलीले पश्चिमबाट पूर्वतर्फ जाँदै गरेको ना ६ ख ९१७७ नम्बरको ट्रक चेक जाँच गर्दा गोरु सहित ट्रक नियन्त्रणमा लिएकाे जिल्ला प्रहरी कार्यालय नवलपरासीका सुचना अधिकारी विर दत्त पन्तले जानकारी दिए।
उद्धार गरिएका १७ जीवित रहेका गोरुलाई दिउँसो सुनवल नगरपालिका-३किर्तिपुर कामधेनु गौशालामा राखिएको छ। भने मृत गोरुलाई पशु चिकित्सकको उपस्थितिमा कानुनी प्रक्रिया पूरा गरी व्यवस्थापन गरिएको उनले भने।
गाेरू बाेकेकाे ट्रक चालक मकवानपुर हेटौंडा उपमहानगरपालिका–१९ का २८ वर्षीय तोयनाथ शिवाकोटी प्रहरीकाे नियन्त्रणमा छ।उनलाई मुलुकी अपराध संहिता २०७४ अन्तर्गत पशुपन्छी सम्बन्धी कसुरमा म्याद थप गरी अनुसन्धान भइरहेको डिएसपी वीरदत्त पन्तले जानकारी दिए ।
