नवलपुर।पूर्व-पश्चिम राजमार्गको दाउन्ने खण्ड अवरोध रहेकाेले प्रहरीले यात्रुहरूलाई वैकल्पिक मार्ग प्रयोग गर्न आग्रह गरेको छ।
करिब १४ किलोमिटर लामो दाउन्ने सडकका विभिन्न स्थानहरू चिप्ला र उकालो भएका कारण सवारी साधन फस्ने र यातायात अवरुद्ध भएकाे समस्या देखेर प्रहरीले यात्रुलाई वैकल्पिक मार्ग प्रयोग गर्न जनाएको छ।
सके सम्म यी मार्ग प्रयोग नगर्न र वैकल्पिक मार्गहरू प्रयाेग गर्न प्रहरीले सर्वसाधारणलाई अनुरोध गरेको छ।
जिल्ला प्रहरी कार्यालय नवलपुरका अनुसार, विगत पाँच दिन देखि दाउन्नेमा ट्राफिक आवागमनमा कठिनाइ रहेको छ।
यात्रा गर्नु अघि जिल्ला प्रहरी कार्यालय,जिल्ला ट्राफिक प्रहरी कार्यालय र दुम्किबास इलाका प्रहरी कार्यालय सँग सडकाे अवस्था बारे जानकरी लिएर आवत जावत गर्न प्रहरीले सल्लाह दिएकाे छ “यस क्षेत्रमा सवारी साधनको अत्यधिक भीडभाड पनि भएको छ।
