परासी २६ बैशाख : पश्चिम नवलपरासी गोरख दल गणका सेनाले विपद् व्यवस्थापन सम्बन्धी अभ्यास सुरु गरेको छ ।
वर्षाको समय नजिकिँदै गर्दा गोरख दल गणका नेपाली सेनाले पाल्हीनन्दन गाउँपालिका–४ स्थित जनता माध्यमिक विद्यालय लोहरौलीको पोखरामा विपद व्यवस्थापन सम्बन्धी मनसुन अभ्यास गरेको हो ।
नेपाली सेनाले विपद्को समयमा प्रयोग गरिने रबरबोट,ईम्प्रोभाइज बोट,बोतलको प्रयोग,ग्यालेनको प्रयोग लाइफ ज्याकेट,म्याट्रेस र विभिन्न स्रोत साधन प्रयोग गरेर उद्धार कार्यक्रम सञ्चालन गरिएको थियो । अभ्यासमा श्री गोरख दल गणका गणपति प्रयजन मल्ल लगायत स्थानीय, स्थानीय जनप्रतिनिधि र विद्यार्थीहरु पनि कार्यक्रममा सहभागि हुनु हुन्थ्यो ।
अभ्यासमा नेपाली सेनाका जनशक्तिले प्राकृतिक प्रकोप बाढी पहिरोमा सर्वसाधारण जनतालाई सुरक्षित गर्ने कार्यको अभ्यास गर्नुका साथै जिल्लामा रहेका स्थानीय, स्थानीय जनप्रतिनिधिहरु, संग पनि समन्वय गरेर विपद व्यवस्थापन कार्य प्रभावकारीरुपमा सम्पादन गर्ने विषयमा समेत अभ्यास गरेको छ ।
अभ्यासले विपद् व्यवस्थापन कार्यमा नेपाली सेना थप दक्षता हासिल गरेको र समग्रमा सैनिक नागरिक सम्बन्ध बलियो बनाउन सहयोग पुगेको श्री गोरख दल गणका गणपति प्रमुख सेनानी राजेश थापाको भनाइ छ ।
