परासी।वायु प्रदूषणले जनस्वास्थ्यमा पारेको असरप्रति बर्दघाट सुस्ता पश्चिम नवलपरासीका चिन्तित रहेका नागरिक अब सचेत हुँदै गएका छन ।
राजेन्द्र अग्रहरीको अध्यक्षतामा सुस्ता गाउँपालिका,नेपाल रेडक्रस सोसाइटी परासी शाखा र प्रेस क्लबले आज वायु प्रदुषण नियन्त्रण सम्बन्धि अन्तरक्रिया कार्यक्रम गरेको छ ।
उद्योग,सवारी साधन,प्लाष्टिक तथा फोहोर जलाउँदा वायुमण्डलमा हानिकारक ग्यासहरु उत्सर्जन भएर मानिसको स्वास्थ्य,वनस्पति र जनावर गरिरहेको देखेर स्वच्छ सुस्ता,स्वस्थ सुस्ताː वायु प्रदूषण संकट हाम्रो साझा दायित्व हो नारा सहित स्थानीय जनप्रतिनीधी र पत्रकार बिच अन्तरक्रिया भएको हो ।
गँहुको डाँठ,उँखुको पात र धानको पराल नजलाउन गाउँपालिका तथा नगरपालिकाले प्रत्येक वर्ष सुचना जारी गरी गाउँ,टोल,र चोकमा साउण्ड लगाएर प्रचार प्रसार गरेर समाजमा जनचेतना फैलाउँर्दै आएका छौं गाउँपालिका अध्यक्ष टेक नरायन उपाध्यायले बताए।
स्वच्छ र स्वस्थ वातावरण बनाउनको लागि उद्योगबाट निसकेको धुँवा धुलो(प्रदूषण) लाई रोग थाम तथा उचित ब्यव्स्थापनका लागि जिल्लाका सबै सरोकारवाला निकाय एक जुट भएर अगाडी बढने गाउँपालिका अध्यक्ष उपाध्यायले भने।
वायु प्रदूषण नियन्त्रण तथा रोक थामका लागि जिल्लाका प्रत्येक स्थानीयतहका नगर प्रमुख,गाउँपालिका अध्यक्ष,प्रमुख जिल्ला अधिकारी,वडाध्यक्ष,उद्योग सञ्चालक,र विभिन्न पार्टीका प्रतिनिधी सहित जिल्ला स्तरीय बैठक गर्न नेपाल रेडक्रस सोसाइटी जिल्ला शाखा अध्यक्ष राजेन्द्र अग्रहरी जोड दिए।
