नवलपरासी।(बर्दघाट सुस्ता पश्चिम) नवलपरासीकाे सुस्ता गाउँपालिका–५ मा अवस्थित नरायणी नदीमा रु. २३ करोडको लागतमा झोलुङ्गे पुल निर्माण भएपछि स्थानीयलाई आउ-जाउ गर्न सहज भएको छ ।
नारायणी नदीमा बनेको झोलुङ्गे पुल,नदी र त्यस वरपरको मनोरम दृश्य हेर्न उल्लेख्य मात्रामा आन्तरिक तथा बाह्रय पर्यटक आउने गरेका छन्।पुल नहुँदा नरायणी नदीले घेरिएकाे सुस्ता भुमिबाट आफ्नै सुस्ता गाउँपालिका तथा जिल्ला आउ-जाउ गर्न जोखिमपूर्ण डुङ्गाकाे यात्रा गर्नु पर्ने बाध्यता थियाे।
वर्षातकाे समयमा नरायणी नदीमा पानीकाे उच्च बहावका कारण डुङ्गा चलाउन जाेखिम देखिएपछि भारत विहारको बाटो हुँदै आवत जावत गर्न बाध्यता थियाे।”पुल बनेपछि आउ-जाउ गर्न तथा त्यहाँबाट दैनिक उपभोगका सामग्री ल्याउन सजिलो भएको स्थानीय मुनसी हरिजनले बताए।
“पहिले ज्यानलाई नै जोखिममा पारेर नदी तरिन्थ्यो,अब त्यसबाट मुक्त भएका छौँ”, विगतको पिडा मुनसीले स्मरण गर्दै भने। रूपन्देही तथा छिमेकी राष्ट्र भारत सम्मकाे पर्यटक यति बेला सुस्ता झोलुङ्गे पुल अवलाेकन गर्न आउँछन ।
