नवलपरासी।(बर्दघाट सुस्ता पश्चिम)नवलपरासीका कुशवाडीया समुदाय स्थानीय खोलाबाट सिलौट बनाउने ढुङ्गा ल्याउन नपाउँदा उनीहरुको पेशा संकटमा परेको छ।
जिल्लाको सुनवल,बासा र दुम्कीबास खोलामा सिलौट बनाउने ढुङ्गा रहेपनि स्थानीयले ल्याउन नदिएपछि हाम्रो पेशा संकटमा रहेको पाल्हीनन्दन–२ की कमलावती कुशवाडीयाले बताउनु भयो।”
ढुङ्गाको सिलौट,चक्की,ओखल बनाउने र गाउँ टोल सहर सम्म पुगेर बिक्री गर्ने हाम्रो मुख्य पेशा संकटमा रहेको, “उनले भनिन विद्युतीय यन्त्रले पनि हाम्रो व्यवसायलाई विस्थापित गरिरहेको छ।”
सिलौट बनाउने ढुङ्गा भारतबाट खरीद गरेर भन्सार गरेर ल्याउँदा आफुलाई पनि महँगा उपभोक्ताहरुलाई पनि महँगो परिरहेको कुशवाडीया उत्तथान महासंघका सचिव एवम् सरावल गाउँपालिका–४ का नरेश कुशवाडीयाले बताए।
उनले भने, “हाम्रा बाजे र बुवाले स्थानीय खोलाबाटै सिलौट बनाउने ढुङ्गा ल्याएर सिलौट बनाउने र गाउँ बिक्री गर्ने गर्थ्ये कुशवाडीया समुदाय अल्पसंख्यक र गरीबमा पर्छन,हाम्रो मुख्य पेशा नै सिलौट बनाउने र बिक्री गरेर जिवीको चलाउँदै आइरहेको उनको भनाइ छ।
सुनवल भुमही लगायत स्थानमा बसाेबास गर्ने स्थानीयहरूले खाेलाबाट कराेडाैं मुल्य बराबरकाे नदी जन्य पदार्थ चाेरी निकासी गर्दै आएकाे पत्रपत्रिकामा समाचार सुनिन्छ, “तर त्यही खाेलामा सिलाैट बनाउने ढुङ्गा ल्याउन जादा त्यहाँका स्थानीयहरूले कुशवाडीय समुदायलाइ ल्याउन दिदैनन् कुशवाडीय समुदायले भन्छन, “ल्याउन नदिएपछि बाध्य भएर भारतबाट खरीद गरेर भन्सार तथा गाडी भाडा दिएर ल्याउन बाध्य छाैं उनीहरूले भने।
सिलौट बनाउने ढुङ्गा स्थानीय सरकारले रोकेको छैन,कसैले ल्याउन रोक्यो भने कुशवाडीया समुदायले मलाइ भन्नु पर्छ सुनवल नगरपालिकाका नगर प्रमुख विमला अर्यालले बताइन।
सिलौट बनाउने ढुङ्गा भन्सार गरेर लिएर जानछन महेशपुर भन्सार कार्यालयका प्रमुख विकाश उपाध्यायले बताए।
